MONDE D'AQUÌ

EMISSION DAUS REPORTATGES EN OC

 

 


Veiqui ! Auei ven nòstre e detz e uetieme filme. Quau chamin desjà percorgut ! Coma vosautres, telaires ! Mercès plan !

Emb los liams çai-lau podretz descrubir los portrachs d'òmes e de femnas occitans. Bona lectura !

 

Luceta Dubreuil Lachaud : Luceta es una agricultriz emb una jòia qu'ela comunica a tot lo monde ; demora dins l'entorn d'Autafòrt, trabalha d'un biais intense mas resta totjorn dins sas bonas : quela receta a aquela persona per tot ço 'qui ?

 https://vimeo.com/366435724

Francèsa Dudognon : Francèsa es una persona ferventa per defendre la cultura e la lenga occitana : a trabalhat per lo prumier filme en occitan "Histoire d'Adrien" coma Jan-Peire Denis, investits aüei tres associacions autorn de Moissídan e totjorn per la cultura e la lenga. Qu'es una femna preciosa per tot ço 'quí !

https://vimeo.com/359087906

 

 

Micheu Feynie : Micheu juga daus spectacles en occitan, per azard "Òmes e femnas dau Landais" ; viu aquí !

 

https://vimeo.com/352520220

Joan Ganhaire : Joan era medecin dins la Dordonha e aüei es un militant occitan, escrivan daus novelas e romans policiers emb una escritura occitana sensibla : es tanben un òme plan conegut e amistos.

https://vimeo.com/348174633

 

Sergi Gilardie : Aquèu militant occitan desciala son art lingüistic a Pueg'gut e Pluviers ; aima plan platussar en occitan !

 https://vimeo.com/340990508

Arnaud Cance : Musicaire et cantaire occitan vengut dau Rouergat per l'Enchantada de 2019 coma l'Union Occitana Camilla Chabaneu : una votz esmajanta e una persona conviventa et tucanta.

https://vimeo.com/337844204

 

Olivier Payrat : Es musicaire et cantaire e son domeni que aima lo mielhs es la musica de las cançons trobairitz emb lo "oud", espleita charmaire : emb força plaser !

https://vimeo.com/333073012

Marie-Clauda Lahieyte : Militanta occitana, nascuda dins lo Perigord, Marie-Claude balha los cors de lenga occitana a Sent Piere de Còle.

 https://vimeo.com/324157307

Joan-Claudi Dugros : Reviraire e conferencier, es tanben felibrenc, totjorn desliberat e joios.

 https://vimeo.com/316791476

 

Alan Malavergne demora rasis Nontronh dins la Chapola : quand es desgatjat, qu' es un palentaire passionat per los paniers emb lo vime e los clessauds de chastenh.

https://vimeo.com/370014615

Los Tradinaires demoran a Montalivet en Medoc ; qu' es un grope per la lenga occitana, gasconha aqui, dins lo Medoc. Bona lectura !

https://vimeo.com/391479427

 

Jan Andrieux : Agricultor mieg-retirat, avenent, que parla totjorn sa lenga mairala, qu'es arderos defendeire per sa comuna e subretot partidari per l'adjuda !

https://vimeo.com/391198433

Patric Ratinoc : Regent chaminaire retirat, arderos, fiar per sa lenga mairala que ne'n parla totjorn et defend coma un chat d'eschina !

 https://vimeo.com/391450716

Yves Lavalade : lingüista, escrivan, poeta, reviraire, que fai aitot de la toponimia e militant occitan ; risolent tanben !

https://vimeo.com/359016783

Philippe Mousnier : laütier de vienas, aima son instrument e aima tanben lo far evoluar ...

 https://vimeo.com/348177888

 

David Grosclaude, jornalista per Oc Télé, arderos, orator, defensor per la pluralitat lingüistica ; sa lenga mairala ? L'occitan !

https://vimeo.com/366491429

 

Odette Marcillaud : contairitz nascuda au Nòrd de la Dordonha, emb la bona umor, platussa e es totjorn defendairitz per sa lenga mairala...

Atelier videò de l'Union Occitana : Pita intervista d'una contairitz dau nòrd de la Dordonha, Odeta Marcillaud. Lo parlar lemosin, es un pauc especiau, los "a" accentuats son prononçats "é" !!!

https://vimeo.com/337998701

Fabrizio Simondi, cantaire e chef dau grope l'Escabòt, demora dins las  valadas occitanas dins lo Pemont italian : aquèu reportatge, lo prumier, a estat filmat le 15 d'abriu 2018, coma l'Enchantada, dins Sent Marçau de Valeda e lo domeni de Montagenet.

Prumier filme de l'atelier videò de l'Union Occitana « Monde d'Aquí/gens d'ici », animat per Catarina e Alan Donheton.
Quand lo formidable grope de chants "l'Escabòt" de las Valadas Occitanas d'Italia venguet a nòstra 10a Jornada dau Chant « L'Enchantada » a Nontronh, en Perigòrd, l'atelier videò faguet una intervista de Fabrizio Simondi, lo director musicau de 'queu grope, en occitan, segur ! E constatem qu'a 850 km, parlen la mesma lenga que nautres !

https://vimeo.com/391201291

"Monde d'Aquì" conta sus vostres réaccions et idéias !  Podetz nos contactar per corrier electronic :

Cette adresse e-mail est protégée contre les robots spammeurs. Vous devez activer le JavaScript pour la visualiser.


Contact : Catherine Donheton : Tel 06 14 24 42 04

MONDE D'AQUÌ

Demoram a Nontronh coma l'associacion occitana Camilla Chabaneu ; avem un site que balha a la gens los reportatges mensuaus e "Monde d'Aquí" es una emission daus corts filmes e documentaris a perpaus de la lenga e cultura occitana, qu'es a dire au monde d'aquí !

'Quilhs filmes son daus portrachs d'òmes e femnas occitans que permeten de far descubrir a tota la gens d'aquí e d'alhors la vita dins l'ambiança occitana, per lo plaser et la chalor que la musica de la lenga fredona dins l'aurelha de los que son nascuts aquí ; la lenga fai venir devers se tanben emb sas sonoritats ben paradas e plasentas las gens que venen d'alhors e demoren aquí puei emb l'enveja d'aprener la lenga, dura mas sedusenta volen parlar, legir e perque pas revirar. Aquela lenga es tanben per las gens qui conneissen pas enquera la musica endiablata e festiva, musicala tanben e tendra coma la rosada...

Dos passionats per la video e l'occitan que filmen e monten los reportatges, s'apelen Catarineta e Alan Donheton. Mai lo portrach que ven faí descubrir un jornalista de Limòges, Sébastien Péjou que trabalha per la radio Emergence FM. Pus loenh 'quo será un filme documentari a perpaus de la lenga occitana lemosina coma Ives Lavalada e beucòp d'autres ; imatges nombrosos, emb sentiments, raibes e musica ! Per l'annada 2020 !

Podetz tanben veire la pagina Facebook de l'Union Occitana Camilla Chabaneu emb lo liam seguent : https://fr-fr.facebook.com/UnionOccitaneCamilleChabaneau

Conférenciers Yves Lavalade et Jean-Pierre Reydy

Odette Marcillaud conteuse

Gilbert Bourgeois conteur

Patrick Ratineaud Animateur musical

Patrick Ratineaud Atelier Langue Oc'

Cté Communes Périgord Nontronnais

Parc Périgord Limousin

Agence Culturelle Dordogne

Région Nouvelle Aquitaine

Commune Nontron